حاسة روحي منجمش نعبر على شي مهما نحس و نتجرح منجمش

منجمش نوصف افكاري

منجمش نوضح والا نفسر علاه

كي نحب منفسرش

كي نضحك منحسش

كي نبكي منقول شئ

مانيش ميتة،مزلت حية

اما الكلام صعيب في مجتمع كيف هكا

تعلمت نوزن لين خف الكلام و ماعاش موجود

حرية التعبير كذبة

حرية الرأي اسطورة نسمعو بها في الجرائد

كيف انتي تحب تعبر على رايك في عبد والا في حالة اجتماعية و الا حتى في لون معين

تلقى تسعين مليار الف فئة متع مجتمع تستنى فيك بش تزرف

بش تقول كلمة،يعرفوك شنيا تقصد بيها، اما يعاركوك علاها

بحجة انك ذميت فئة معينة

بحجة انك كونت راسيست والا ساكسيست

بحجة انو انت تعديت على حق مجموعة معينة

المجتمع والعلاقات الي مبني عليه هالمجتمع،مبنية على الكلام

مبنية على سياق الجملة

و شنية نوع الكلام لي يقولوه العباد

لازمك تحكي هكا،موش هكا

لازمك تحط الكلمة هاذي في بلاصة هاذي بش تعبر ما خير و تظهر اذكى

لازمك تكون نوتر

لازمك و لازمك و لازمك

رايك يجبروه عليك

يغسلولك مخك بالكلام

في بلاصة ما تقعد مركز في مغزى الحكاية

تقعد مركز تفكك في شيفرات الكلام

ماعاش تفهم شي

تمشي للعلوم خاتر فما يا صحيح يا غالط،يا ظلمة يا ضو.

تلقى روحك قرايتك كاملة ضربان لغة

التحليل لازم يكون بفرونسي باهي و متوسط في الطول و فيه كلمتين مهمين

ساعات حتى وكان الكلمتين هاذوكم مش موجودين اضرب طرف لغة تو تاخو نوت.

حالا حليلة في سيستام القراية

في عرص المجتمع

في العالم وين ماشي

باقي نستغرب كيفاه الفوضى لتو لا وصلت الى نسبة ثابتة. و مزالت تزيد لتو.

يا فوضى يزي،راك كبرت و سمنت

نقصد،قيمتك الجبرية ارتفعت

�