محلاه احساس انك  تكون محبوب

نحكي على المحبة مش على الحب

محبة الصحاب اغلى و اكثر حاجا تداوي في العالم

احساس انك تكون مقبول بالخايب الكل الي فيك

تكون عندك قيمة و قدر عند عبد هو الوحيد الي يشوفك بطريقتو

خاتر حتى وكان تكره روحك

تكره الروح الي ساكنة فيك 

تجيك نهارات حتى متلقاش حذاك عايلتك

تلقى العبد اذاكا

اما انا ككي نخلي عبد يعرفي و يدخلي

عبد يشوف غريق مخي

عبد يسمع و يفهم

عبد كي تبكي ميعنقكش

اما يبوسلك راسك

يعتيك كتفو بش تبكي عليه

يعتيك وقتو

يستناك لين تكمل و بعد يواسيك

في بلاصة  ما يندب معاك ينصحك و يعتيك النصيحة الي توجعك مش الي تواسيك

عبد بالحق يكسر راسو معاك

عبد كي تفد عليه ما يتغشش

خاتر يعرفك مدبرم

عبد تحبو خاترو هو شكون

خاتر تحب تقوم كل يوم صباح

تغزرلو تلقا حذاك احسن عبد انتي خترتو

اكثر عبد تشوف فيه حاجات حد ما شافهم

حلو عينيكم و ثبتو في العباد راهم متكونين من برشا حاجات

حاولو تغزرولهم ببرشا  طرق

راهم  احسن حاجة خلقها ربي و فخور بيها

مش الكل اما اوك