الصحبة وين ماشية

انا تربيت في عايلة مافيهاش عادات و تقاليد,تربيت نعرف الصحيح من الغالط حسب كلام ربي و النبي

تربيت اني نحب الخير للعباد

انا خترت شنيا ناخو و ماناخوش ملي قررو انهم يحطولي في مخي في المكتب والكولاج والليسا , اني نربي روحي

و تربيت اني نختار ثنيتي و عاداتي نعملهم وحدي

تعلمت نخدم مخي و نخدم باللوجيك في حياتي و عمري ما نتبع فلان و فلتان

منقزش عل الحوت  في العروسات و تعلمت انو مفماش فرق بين راجل و مرا و اكحل و اصفر و ابيض و احمر

الناس الكل عندها قدرها و الناس الكل تحترمها

تعلمت اني لازم نعامل العباد كيما نحب يعاملوني

و انو اصحابي عندهم حق عليا كيما عندي حق علاهم

تعلمت,انو حبيت و الا كرهت الصحبة ماخذة و عطاء.تعطي وقت و مجهود و تاخذ وقت و مجهود

كل عبد يطلب حاجا من عند صاحبو و كيف يوفرهالو و يلقا روحو هوا زادا ينجم يوفر حاجات صاحبو يوليو اصحاب

حبيت و الا كرهتو

تعطي وقتك,تاخو وساع بال

تعطي جهدك,تاخو فهمهم ليك

تعطي قلبك,تاخو قلبهم

المهم

المدة عرفت انو فما برشا عباد عايشين ماغير صحبة

عايشين منغير ديار

منغير قلب يتكاو عليه

عرفت انو مفهوم الصحبة يتمثل عندهم في ماخذة و برا

قهوة من وقت لوقت و سكر في البار مرتين في العام

عايشين بمبدأ اليهود

الي الحاجا الوحيدة الي تهمهم هي عايلتهم

و الاخرين يمشيو يزمرو بعيد و كان يموتو بالجوع لا يهمهم يبداشي حتى اقرب صاحب لاهم

لتو منجمتش نفهم كيفاه تعيش العباد هاذي

بالنسبة ليا انا,اهم حاجة عندي هي صحابي خاترهم داري الثانية,خاترهم يفهموني اكثر حتى من راجلي نهار اخر و يحتضنوني اكثر من عايلتي و يهمهم في نفسيتي اكثر من امي و بابا

انا كيف نخسر عايلتي و اقرب العباد ليا

نموت؟

ندبرم و نقتل روحي؟

ندبرم و نهلك مستقبلي؟

انات كي تبدا بش نموت بالعصب

في بالك الي عايلتك بش تسمعك

في بالك الي صاحبك والا صاحبتك بش تقعد معاك حياتك كاملة

و لا بش يعيش و الا تعيش سبعين سنا و بش تعرسو؟

ماك ما تلقى كان اقرب اصحاب ليك يفهموك و يبكيو معاك و ياقفو معاك و يقلولك شنيا لازمك تعمل كيف تهبل في مخك و ماعاش ليك فيها وين

البهامة و الصطاكة و التخلف متع العباد الي ميهمهمش في صحابهم و في خواتهم ولات في كل بلاصة

عباد عايشة كيف الوحوش

كيف الحيوانات

يمكن حتى الحيوان كيف يلقى حيوان اخر صغير مطيشويهز يربيه

القطوسة ترضع صغارها و القطاطس متع الحومة الكل الي امهم ماتت

عايشين بمبدأ الحرب و احنا لاباس علينا

كان الانسان يمشي و يتوحش

والحيوان يمشي ويستأنس

بربي اترقاو و خممو راكم خريتو في الصحن